Ufici eletorâl

Iscrizion al Cuadri dai presidents di sente eletorâl

 L 30/4/99 n.120 art.9, GU 03/05/99 n. 101 Cuadri dai scrutadôrs

 1. L'articul 1 de leç dal 8 di març dal 1989, n. 95, cussì come modificât dal come 2 dal articul 3 de leç dal 21 di març dal 1990, n. 53, è sostituît dal seguent:
"Art. 1. - 1. In ogni comun de Republiche al è tignût un unic cuadri des personis idoniis al ufici di scrutadôr di sente eletorâl comprendint i nominatîfs dai eletôrs che a presentin aposite domande secont i termins e lis modalitâts indicâts dai articui seguents.

 2. La inclusion tal cuadri di cui al come 1 a è subordinade al posses dai seguents requisîts:

  • jessi eletôr dal comun
  • ve assolt lis obligazions scolastichis.

In sede di prime aplicazion de leç, a son inscrits al cuadri di cui al articul 1 de leç dal 8 març dal 1989, n. 95, cussì come sostituît dal come 1 dal presint articul, ancje i eletôrs zà inscrits, ae date di jentrade in vigôr de presint leç, intal cuadri istituît a norme dal articul 5-bis de citade leç n. 95 dal 1989.

3. L'articul 3 de leç dal 8 di març dal 1989, n. 95, cussì come modificât dal articul 4 de leç dal 21 di març dal 1990, n. 53, al è sostituît dal seguent:
"Art. 3. - 1. Entri il mês di otubar di ogni an, il sindic, cun manifest di picjâ tal cuadri pretori dal comun e in altris lûcs publics, al invide i eletôrs che a desiderin jessi inserîts tal cuadri, a fâ aposite domande dentri dal mês di novembar.

 

Iscrizion al cuadri dai scrutadôrs di sente

I citadins residents, inscrits tes listis eletorâls dal Comun,a puedin domandâ l'inscrizion al cuadri dai Scrutadôrs dentri dal mês di novembar di ogni an.

 

Recuisîts:

  • citadinance italiane e gjoldiment dai dirits civii e politics
  • titul di studi: Scuele dal Oblic

 

A son escludûts de funzion di scrutadôr di sente eletorâl:

  • i dipendents dal Ministeri dal Interni, des Postis e Telecomunicazions e dai Traspuarts
  • i apartenents aes Fuarcis Armadis, in attivitât di servizi
  • i miedis des UU.SS.LL. incargâts des funzions zà di competence dai miedis provinçâi, dai uficiâi sanitariis e dai medis condots
  • i segretariis comunâi e i dipendents dai Comuns adets a prestâ servizi intai uficis eletorâi comunâi
  • i candidâts a lis elezions par i cuai a si davuelç la votazion

 

Certificât eletorâl

A ce che al covente

al è il document che al permet, unitamentri a un document di identitât valevul, l’esercizi dal dirit di vôt, atestant la regolâr inscrizion dal citadin tes listis eletorâls dal comun di residence. Cheste a conten, oltri che ai dâts anagrafics dal eletôr, l’indicazion de sezion eletorâl di apartignince, de sede di votazion dulà lâ par esercitâ il dirit di vôt e l’indicazion dai colegjis eletorâi di apartignince. La tessare eletorâl a presente dentri 18 spaziis destinâts ae aposizion dal timbri di part dal President di sente al at de votazion.

Al è un document permanent che al varà di jessi conservât cun cure par podê esercitâ il dirit di vôt in ocasion di ogni elezion o referendum.

 

Cuant che al covente

Al at dal esercizi dal dirit di vôt inte sezion eletorâl di apartignince, presentântsi al President dal Ufici di sezion, cuntun document di identitât valevul; la tessare eletorâl e je indispensabile par otegni lis agjevolazions sul cost dai biliets di viaç in ocasion des votazions.

 

Consegne ai eletôrs

La tessare eletorâl a ven consegnade diretamentri al domicili dal eletôr a cure dal Comun e a pues jessi ritirade de persone interessade o dal convivent. I eletôrs che a no vedin ricevût la tessare eletorâl al propri domicili a podaran ritirâle presentântsi al Ufici Eletorâl.

Al è pussibil ritirâ la tessare eletorâl ancje par i propris familiârs, presentântsi intal Ufici Eletorâl cuntune fotocopie dal document di identitât dai interessât e la deleghe al ritîr.

 

Validitât

La tessare e je valide fin al esauriment dai 18 spaziis destinâts ae aposizion dal timbri di bande dal President de sente eletorâl.

 

Inzornament dai dâts

In câs di variazion dai dâts o des indicazions contignudis inte tessare, i inzornaments a vegnin efetuâts diretamentri dal Ufici Eletorâl che a proviodarà a trasmeti par pueste une targhete adesive riportant la relative variazion. Il titolâr al proviodarà a incolâ

la targhete dentri de tessare intal spazi fat di pueste.

 

Trasferiment di residence

In câs di trasferiment di residence in altri Comun a vegnarà consegnade al eletôr une gnove tessare eletorâl di bande dal Comun di gnove inscrizion anagrafiche e ritirade chê zà in sô posses.

 

Deteriorament – Pierdite - Robarie

In câs di pierdite o deteriorament de tessare, l’eletôr al varà di domandâ un duplicât al Ufici Eletorâl previe compilazion di une declarazion su modui preparâts dal Ufici Eletorâl.

In câs di robarie, prime di inoltrâ la domande di duplicât, a covente presentâ la relative denunzie ai uficis di Publiche Sicurece di competence.

 

Pierdite dal dirit di vôt

Intal câs che il titolâr a ves di pierdi il dirit di vôt la tessare eletorâl a vignarà ritirade.