Denunzie di nassite

 

Ce che a si à di fâ

Ai 18 di mai dal 1997 e je entrade in vigôr la leç dal 15 di mai dal 1997, n.127 (in Gazete Uficiâl dal 17 di mai dal 1997, n.113), che e à modificât l'ordinament dal stât civîl inte part rivuardant la declarazion di nassite.

Prime di cheste riforme, dome l'uficiâl di stât civîl dal Comun di nassite al podeve ricevi la relative declarazion. Di cumò invessit, chest al podarà jessi fat ancje culì dal "centri di nassite", vâl a disi l'ospedâl o la cjase di cure dulà che al è nassût il frut, il dut davant dal diretôr sanitari.
Chest, al pues delegâ la ricezion de declarazion a une persone de direzion sanitarie, al à di trasmeti la declarazio al uficiâl di stât civîl competent. Intal câso di declarazion fate intun centri di nassite, al é ben la formazion di un proces verbâl, i cui modei a son stâts preparâts dal Ministeri de Justizie, (circolâr di istruzion su la aplicazion de leç n.127/1997).

Il diretôr sanitari intal esercizi dai gnûfs compits assegnâts de leç:

  • al si viest de carghe di public uficiâl;
  • al è metût de leç sul stes plan dal uficiâl di stât civîl;
  • al à rapuarts funzionâi col uficiâl di stât civîl, cul procuratôr de Republiche intal tribunâl (che al esercite la vigjilanse sul stât civîl) e cul Ministeri de Jiustizie (par chel che i vin zà dite).

Al moment de nassite al è obligatori fâ la declarazion di nassite par l'iscrizion dal gnûf nât tal regjistri comunâl dal stât civîl.

 

Cui che al à di fâ la declarazion

A puedin fâ la declarazion di nassite:

  • un cualsisei dai gjenitôrs;
  • dome un dai gjenitôrs, tal câs di declarazion intun Comun difarent di chel di nassite;
  • une cualsisei persone cun procure speciâl di un dai gjenitôrsi;
  • un miedi che al vedi assistît al part;
  • une ostetriche che a vedi assistît al part;
  • cualsisei persone che a vedi assistît al part.

Cui che al fâs la declarazion al à simpri di rispetâ la volontât da la mari di no jessi nominade.

 

Cui che al ricêf la declarazion

La declarazion di nassite a pues jessi ricevude alternativamentri di:

  • il diretôr sanitari di un centri di nassite, vâl a disi l'ospedâl o la cjase di cure dulà che a è avignude la nassite;
  • l'uficiâl di stât civîl dal Comun tal cui teritori e je avignude la nasite;
  • l'uficiâl di stât civîl dal Comun di residence de mari difarent di chel di nassite, cuant che i gjenitôrs e an residencis difarentis;
  • l'uficiâl di stât civîl dal Comun di residence dal pari difarent di chel di nassite, cuant che i gjenitôrs e an residencis difarentis e la mari e je consenzient.


Dulà isâl di lâ

La declarazion dinassitea pues jessi fate, alternativamentri:

  • intun centri di nassite, vâl a disi l'ospedâl o la cjase di cura dulà che e je avignude la nassite
  • intal Comun tal cui teritori e je avignude la nassite
  • intal Comun di residence dai gjenitôrs, se difarent di chel di nassite
  • intal Comun di residence de mari, se difarent di chel di nassite, cuant che i gjenitôrs e an residencis difarentis
  • intal Comun di residence dal pari, se difarent di chel di nassite, cuan che i gjenitôrs e an residencis difarentis e a son in acuart (l'esistence dal acuart, che al pues jessi razont ancje in maniere informale, al pues jessi atestât dal pari sot la proprie personâl responsabilitât inte declarazion di nassite che in chest câs e à il valôr di declarazion sostitutive).

 

La declarazion di nassite a pues jessi ricevude alternativamentri:

  • intun centri di nassite, vâl a disi l'ospedâl o la cjase di cura dulà che e je avignude la nassite
  • intal Comun tal cui teritori e je avignude la nassite
  • intal Comun di residence dai gjenitôrs, se difarent di chel di nassite
  • intal Comun di residence de mari, se difarent di chel di nassite, cuant che i gjenitôrs e an residencis difarentis
  • intal Comun di residence dal pari, se difarent di chel di nassite, cuan che i gjenitôrs e an residencis difarentis e a son in acuart (l'esistence dal acuart, che al pues jessi razont ancje in maniere informale, al pues jessi atestât dal pari sot la proprie personâl responsabilitât inte declarazion di nassite che in chest câs e à il valôr di declarazion sostitutive).

 

Cemût

La declarazion e à di jessi fate:

  • oralmentri
  • cence bisugne di testemonis
  • entri il termin di tre dîs de nassite, se fate intun centri di nassite; e di dîs dîs de nassite, se fate intun Comun.

La declarazion e à di jessi ricevude:

  • inscrivintle tai registriis dal stât civîl, se ricevude in Comun
  • formant un verbâl se ricevude intun centri di nassite
  • cence bisugne di testemonis
  • entri il termin di tre dîs de nassite se ricevude intun centri di nassite
  • entri il termin di dîs dîs, se ricevude intun Comun.

In câs di declarazion ricevude intun centri di nassite, il diretôr sanitari al à l'oblig di trasmeti la declarazion stesse, entri dîs dîs de sô ricezion, al uficiâl di stât civîl dal Comun di residence dai gjenitôr dal gnûf nât o, tal câs che chescj a vedin residencis difarentis, intal Comun di residence de mari.

 

Ricognossiment di paternitât e maternitât

Declarazion par il ricognossiment di un fî naturâl sucessivamentri ae denunzie di nassite. 
La declarazion a pues jessi fate devant daluficiâl di Stât civîl dal Comun dulà che e je avignude la nassite o intun altri Comun de Republiche. Par informazions o clariments lâ al Ufici di Stât civîl.

 



 

At di nassite

La declarazion di nasssite e je presentade di un dai gjenitôrs (presentant i documents di identitât), di un procuratôr speciâl, o dal miedi o de ostetriche o di une altre persone che a vedi assistût al part, rispetant la eventuâl volontât de mari di no jessi nomenade.

 

Dulà isâl di lâ

A pues jessi rindude entri dîs dîs de nassite intal comun intal cui teritori al è avignût il part o in alternative, entri e dîs, inte direzion sanitarie dal ospedâl o cjase di cure dulà che e je avignude le nassite. In chest ultim câs, la declarazion a pues contegni ancje il ricognossiment centestuâl dal fî naturâl.

Ai fins de trascrizion, la declarazion e ven trasmetude al ufici di stât civîl dal comun tal cui teritori al è situât i centri di nassite o su domande dai gjenitôrs, al lôr comun di residence.

I gjenitôrs e an la facoltât di declarâ entri dîs dîs dal part, la nassite tal propri comun di residence. Tal câs che i gjenitôrs a no risiedin tal stes comun, simpri che a nol sedi un diviers acuart jenfri di lôr, la declarazion di nassite e je rindude tal comun di residence de mari.

 

Citadins forescj

I citadins forescj e an di presentâ il passepuart e in câs di ricognossiment di fî naturâl, une declarazion de lôr ambasciade o consolât dulà che a risulti che, in relazion ae aplicazion dal dirit internazionâl privât, nuie al viete il ricognossiment secont la leç nazionâl dal propri paîs. I gjenitôrs che a intindin fâ atribuî al nât il sorenom cussì come previodût des leçs nazionâls dal lôr paîs, a varan di produsi idonee documentazion consolâr o de ambasciade in maniere che a si puedi rilevâ l'esat sorenom che il frut al varà di vê.

 

 

Discognossiment de paternitât

 

La azion par il discognossiment de paternitât dal fî concepît durant il matrimoni e je consentide dome tai câs seguents:

  • se omp e femine no an coabitât tal periodi comprendût jenfri il trecentesim e il centottantesim dî prim de nassite;
  • se durant chest timp l'omp al jere malât di impotence, o ancje dome impussibilitât a procreâ;
  • se tal det periodi la femine e à cometût adulteri o e à tignûde taponade al omp la proprie gravidance e la nassite dal fî. 
In chescj câs l'omp al è ametût a provâ che il fî al presente carateristichis gjenetichis o di sanc incompatibilis cun chês dal presunt pari, o ogni altri fat che al podi sei rilevant par escludi la paternitât.

La semplice declarazion de mari a no esclût la paternitât.

L'azion di discognossiment a pues jessi esercitade ancje de mari o dal fî majôr in ducj i câs in cui che a pues jessi esercitade dal pari.